Храм Успення Прасвятой Багародзіцы

Самы вялікі Храм Машканскай воласці

З'яўленне Храма ў в.Аболь адносяць да 40-60-х гадоў XIX стагоддзя. Ён лічыўся самым вялікім у акрузе агульнай колькасцю прыхаджан больш за 2 800 чалавек.

У розныя перыяды Настаяцелямі Храма былі Шабунё Вікенцій Меркуравіч і яго сын Шабунё Антоній Вікенцьевіч. У Абалі знаходзілася царкоўна-прыхадская школа.

Згодна з гістарычнымі звесткамі, у Храме маглі хрысціць Пятра Міронавіча Машэрава і Аляксандра Канстанцінавіча Гараўца.

Закрыццё Храма і паступовы яго заняпад

У 1923 г. Храм быў закрыты. Частка царкоўнай зямлі была перададзена мясцовым жыхарам. Сама царква ў гэты перыяд выкарыстоўвалася для розных мэтаў: зернясховішча, склад, клуб. З 90-х гадоў будынак стаў паступова прыходзіць у заняпад.

Аднаўленне Святыні

Адраджэнне Храма пачалося ў 2019 г. па благаславенні архібіскупа Віцебскага і Аршанскага Дзімітрыя.

Праект аднаўлення быў распрацаваны архітэктарам Яўгенам Канстанцінавічам Колбовічам і рэалізаваны камандай будаўнікоў, якія з асаблівай увагай ставіліся да кожнай дэталі.

Значны ўклад у аднаўленне Храма ўнеслі Вячаслаў Аляксеевіч Сталяроў і яго дачка Кацярына. Вялікую дапамогу ў падтрыманні Святыні да моманту яе аднаўлення і пры далейшым развіцці аказалі Жанна Вячаславаўна і Аляксандр Віктаравіч Лагінавы.

Аднаўленне Храма ажыццяўлялася пры падтрымцы і актыўным ўцягненні Благачыннага Сенненскай акругі Протаіерэя Мікалая Валачковіча.

Першая Боская літургія праз 100 гадоў

Першая ўрачыстая служба ў Храме прайшла 6 лістапада 2023 г., роўна праз 100 гадоў пасля яго закрыцця ў 1923 г. У 2023 г. у дар Храма была перададзена старажытная ікона Мікалая Цудатворцы XIX стагоддзя. З 2024 г. настаяцелем Храма з'яўляецца Іерэй Андрэй Дзянісаў, які актыўна працягвае развіваць Храм пры падтрымцы прыхаджан.